| Simple Style | 關於/首頁 |
|
|
|
臺灣頭一位用彩色原子筆畫圖創作的畫家，有畫過鹿港的廟、神桌雕刻、鹽水蜂炮等等，藝術風格誠特別。豐富的色水佮圖樣，無講真正看袂出遮爾媠的圖，竟然是用原子筆畫出來的。來自彰化鹿港的藝術家曾雍甯，創作已經超過廿冬，畫工幼路，無頂真共看定定予人叫是用一般水彩畫的。
民眾表示，「叫是用水彩抑是油彩畫的，毋過來到現場看才發現是用原子筆，一筆一筆畫出來的。」藝術家曾雍甯，「愛有恆心參毅力，親像作穡人仝款，愛一直耕耘。然後透過這个過程，就會有成果，畫就會完成會愈來愈媠。」
藝術家自開始創作，到今已經共上十萬支的原子筆寫予焦，(畫面提供out)莫叫是用原子筆畫圖速度會較緊，其實一幅作品平均愛開欲一年的時間才有法度完成。
藝術家曾雍甯表示，「創作的過程是仝時陣進行無仝的作品，袂去講一件作品一直畫。透過這款做法，仝系列的作品差不多一至兩年會完成。」這改展覽，內容有藝術家最近三冬，倚卅件作品佇陽明交通大學藝文空間展出。
原文刊載於 |
原子筆創作幼路藝術 畫出廟寺.蜂仔炮生活場景